Kryetari I PD-së Lulzim Basha është përgjigjur në mënyrë lakonike lidhur me letrën që kryeministri, Edi Rama, për dialog politik. Basha u shpreh se ende nuk e ka lexuar letrën, pavarësisht se Rama e ka bërë publike. “Nuk e kam lexuar letrën. Duhet ta lexojë. Do I përgjigjem po publikisht”, ka deklaruar Basha.
Rama
Kryeministri Edi Rama ka formalizuar ftesën e tij ndaj kreut të PD përmes një letre të hapur edhe për publikun. Në letrën e tij, kreu socialist i kërkon Lulzim Bashës që të ngrejnë një forum bashkarisht, mazhorancë-opozitë.
“Le të provojmë t’u japim njerëzve tanë dhe partnerëve të Shqipërisë provën e një vullneti të përbashkës” – shkruan ndër të tjera Rama.
Letra e plotë:
Berisha: Basha e ka ftuar 36 herë Ramën, tmos bëjmë lufte gjelash
Ndërkohë që pak para publikimit të kësaj letre, në lidhje me çështjen ka folur Sali Berisha, i cili ka thënë se Basha i ka bërë rreth 36 ftesa për dialog dhe tryezë Ramës.
“Mendoj se vendimin për këtë e merr zoti Basha, kjo ftesë vjen pas 36 ftesave që Basha i ka bërë , mendoj se dialogu është i domosdoshëm, pa dialog vendi nuk ecën në proceset integruese, se si do zhvillohet, kush do e ndërmjetësoje e kush do e thërrase, të mos bëjmë luftë gjelash, ai e ftoi 36 herë dhe, ky e ftoi një herë”- tha ai.
Berisha theksoi se asnjë nuk i interesuar për dialogun si të tillë por për dialogun e frytshëm.
“Le të shqyrtohen, por një gjë e përgatitur dhe jo shoë mediatik, mundet të ketë lehtësues, e rëndësishme është të vendoset dialogu. Se nga do shkojë maxhoranca në lokomotivën e zonjës Leskaj apo me Kushtetutën kjo është cështje tjetër”- tha ai.
