Rama: Ky është momenti për të bërë histori, kjo dritare nuk do të rrijë shumë gjatë e hapur

Kryeministri Edi Rama në një takim me kandidatët në Elbasan deklaroi se objektivat për ta jo vetëm në këto zgjedhje është anëtarësimi i Shqipërisë në BE.

Rama tha se deri para pak kohësh ishte thjesht një çështje reale por shumë larg aktualitetit. Edhe pse kjo dritare është hapur sipas tij nuk mund të ketë lëkundje se mund të mbyllet.

“Mesazhi dhe momenti më i rëndësishëm është përtej të gjitha këtyre sepse këto zgjedhje përkojnë me një moment të jashtëzakonshëm historik ku për herë të parë mundësia e hyrjes së Shqipërisë në BE është jo vetëm reale, por është aktuale. Në vijëmi na është konfirmuar dhe rikonfirmuar nga partnerët tanë dhe nga BE dhe nga qeveria e BE që është Komisioni Europian në Bruksel që Shqipëria e ka vendin në BE, që ne iu duam juve, por kjo ka qenë gjithmonë një projeksion në të ardhmen. Sot ky është një moment ku kjo mundësi është aktule. Është hapur një dritare që nuk do të rrijë për një kohë të gjatë. Kjo është shumë e rëndësishme për t;’u kuptuar në radhë të parë nga të gjithë ju dhe pastaj për t’ua bërë të qartë se tani është mundësia për të bërë histori dhe ka përkuar me një palë zgjedhje sepse mund të mos ishin zgjedhjet në mes. Ne i kemi hapur negociatat vjet dhe objektivi super ambicioz i vendosur dhe i dakordësuar me Komisionin Europian dhe udhëheqësit e shtetëve anëtare dhe mesa kam dëgjuar pa fjalën e tyre Komisioni nuk mund ta dakordësonte që në fund të 2027 të mbyllen negociatat me Shqipërinë”, tha Rama.

Edhe pse i quan këto zgjedhje si “rastësi” që përkojnë me kohën e negociatave për anëtarësimin në BE ai thotë se këto zgjedhje duhet të konfirmojnë që populli shqiptar përtej çdo partie është i vendosur për vazhdimin e neogociatave.

“Mund të mos kishin qëlluar zgjedhjet në mes dhe eshtë themelore që zgjedhjet ta konifirmojnë përtej partive, përtej ngjyrimeve, përtej preferencave dhe pakënaqësive sepse ky është një objektiv mbi të gjithë ne dhe është një objektiv që nuk realizon rritjen e pagave për një pjesë sot që është një nga gjërat e fushatës, por realizon kalimin e një nivel tjetër të një populli të tërë edhe për fëmijët edhe për më të rinjtë edhe për ata që s’do të votojnë më 11 Maj se janë 14 vjeç që pas 4 vjetësh janë 18 vjeç dhe nëse me 11 Maj të gjithë shkojnë të votojnë me këtë objektiv atëherë negociatat do të vazhdojnë pa asnjë lëkundje që do të thotë me 12 Maj ne kemi punën tonë, numrin e votave, komisionet, etj, por ata që shkojnë në zyrë çdo të hënë për të punuar me negociatat janë rreth 1000 veta në të gjithë rrjetin e punonjësve të shtetit nuk duhen të kenë asnjë lloj lëkundje dhe ata të marrin një mesazh shumë të qartët që populli shqiptar vendosi vazhdimin e negociatave dhe jo lëkundje dhe asnjë rrjedhje sado të vogël të kënetës apo të moçaleve të vogla që janë krijuar rreth kënetës duke e quajtur veten parti të reja. Rinia që po vjen me baballarët dhe tezet në listat e mbyllura”, tha Rama.

Duke e konsideruar këto zgjedhje si një votim gjeopolitik Rama se procesi i Shqipërisë për negciotat ka ecur me një shpejtësi marramendëse gjë që nuk ka ndodhur me asnjë vend tjetër.

“Për herë të parë kemi një votim gjeopolitik këtë herë dhe Maqedonia është bërë kandidate për negociatat në 2005 dhe akoma nuk i ka hapur negociatat, ne i kemi hapur vjet dhe mund t’i mbyllim në 2027 që është një shpejtësi marramendëse sepse ne kemi punuar për këtë ditë”, tha Rama.