Kryeministri Edi Rama, pak minuta më parë pas votimit për komisionet ad hock për vetting-un ka komentuar edhe bojkotin e PD ndaj këtij procesi duke mos shkuar në Kuvend. Kryeministri Rama u shpreh se ata që janë në çadër dhe nuk vijnë në Kuvend, do të thotë se “janë aty nga frika e drejtësisë”.
“Ne duam që drejtësia nga një pazar i gjës së gjallë të bëhet një drejtësi europiane. Është një njollë e zezë që PD po përpiqet me apo vetëdije t’ia verë Shqipërisë, në kohën që kur u themelua thoshte ‘ta bëjmë Shqipërinjë si gjithë Europa”. Është e qartë tashmë nga të gjithë se moskryerja e procesit të vetting-ut cënon rëndë procesin e anëtarësimit të Shqipërisë në BE. PD kërkon të ndajë për së gjalli nga Europa që duam të bëhemi, vetëm për të shmangur nga drejtësia ata që kanë bërë krime”, deklaroi Rama.
Sipas tij, vettingu mund të vonohet, por drejtësia do të bëhet. Rama ka komentuar edhe vendimin për t’iu drejtuar PPE-së në lidhje me PD. Sipas tij, nisma në fjalë ka si qëllim lehtësimin e situatës në të cilën gjendet PD. “Kur dëgjon se dhe ministri jashtëm i Gjermanisë është i painformuar dhe se BE-ja është e pa informuar atëhere kjo nuk është krizë politike, por nervore”, deklaroi Rama.
javanews.al/ ma.me
