Edi Rama rikthehet në zyrë në Kryeministri. Pas Pogradecit, kanë vazhduar takimet me qytetarët edhe këtu në kryeqytet.
Para se të hipte në automjetin e tij, ai ka bërë disa fotografi me disa qytetarë të cilët po rrinin pranë Kryeministrisë edhe po e prisnin.
Rama organizoi një “retreat” 2-ditor në qytetin e Pogradecit, ku ai është takuar me përfaqësues të lartë të Partisë Socialiste, me drejtues të qarqeve, kryetarë të komisioneve dhe gjithashtu edhe me kabinetin e tij qeveritar ditën e djeshme, me të cilët ka zhvilluar edhe një mbledhje të gjatë, e cila ka nisur në orët e para të mëngjesit dhe ka përfunduar vonë në mbrëmje.
