Pas përfundimit të ndeshjes përballë Serbisë pa asnjë incident, kryeministri Rama përmes një deklarate për shtyp u ka shprehur mirënjohjen të gjithë tifozëve, por edhe arbitrit italian.
Ndërsa përsa i përket humbjes, Rama tha se “Kuqezinjtë dhanë gjithcka mundën nën një presion të madh psikologjik. Mirënjohje për lojtarët dhe trajnerin.
Humbën në fushën e lojës, por jashtë fushës së lojës i kemi befasuar të gjithë të tjerët me nivelin e lartë të dinjitetit dhe qytetarisë, madje kemi befasuar edhe kundërshtarët.
Nëse në fushën e lojës nuk arritëm të mbajmë dot pikën e artë që me gjasa na çonte në Francë, mbajtja e lartë e nivelit të kulturës sportive i ka dhënë tri pikë të arta Shqipërisë si vend dhe shqiptarëve si popull.
Për 94 minuta nuk është dëgjuar asnjë kor racist, nuk është sulmuar asnjë asnjë lojtar serb. Përulem me mirënjohjen më të madhe të gjithë atyre sportdashësve që mundësuan kalimin me kaq sukses të këtij testi kaq të vështirë. Shqipëria doli me nder dhe faqebardhë nga testi i vështirë i nderit kombëtar”deklaroi ai.
