Kryeministri Edi Rama ka folur pas takimit të zhvilluar me ambasadorët e SHBA, BE dhe OSBE, në të cilin, sipas tij, janë kolauduar mesazhet që kanë të bëjnë me garantimin e një procesi të lirë e të ndershëm që zgjedhjet të jenë transparente. Kryeministri Rama u shpreh gjatë kesaj deklarate edhe per dy mesazhe qe kane te bejne me tryezen me kryetarin e PD, Lulzim Basha, atë të monitorimit të strukturave shtetërore që kanë lidhje me organizimin e procesit zgjedhor. Rama deklaroi qarte se nuk ka ndryshim të datës se zgjedhjeve.
“Kemi rënë dakord që të mos flasim, por mesa duket, fjalët i ka marë era dhe i sjellë deri te ju. Unë kam propozuar atë që adreson problemet më objektive. Pra, një monitorim si asnjëherë më parë të të gjithë strukturave të shtetit, të Policisë së Shtetit, të drejtorive rajonale të arsimit dhe të gjithë sistemit arsimor, të burgjeve ku janë edhe pikat që kanë qenë vazhdimisht pikat e adresuara si problematike në raportet e ODIHR. Dhe njëkohësisht një rregullore të dakordësuar për mënyrën si të shmanget qoftë përdorimi i aseteve shtetërore në fushatë, qoftë edhe një kategorie të caktuar aktivitetesh qeverirare që nuk duhen përdorur në fushatë. Sa i takon një tjetër takimi, unë jam i gatshëm. Unë këtu jam“, u shpreh Rama.
PRONONCIMI
Kemi rënë dakord që të mos flasim, por mesa duket fjalët i ka marrë era dhe i ka sjellë deri te ju. Unë kam propozuar atë që besoj se adreson problemet objektive. Pra një monitorim si asnjëherë më parë i të gjitha strukturave të shtetit. Të Policisë së Shtetit, të burgjeve dhe të institucioneve arsimore dhe njëkohësisht një rregullore te dakordësuar për mënyrën se si duhet të shmanget përdorimi i aseteve shtetërore në fushatë dhe qoftë edhe një kategori aktivitetesh qeveritare të mos përdoren për fushatë.
Për Bashën
Unë nuk dua ta komentoj atë që e kisha në tavolinë. Ne nuk presim përgjigje, ne vazhdojmë punën. Por do gjejmë kohën për të diskutuar deri kur të fillojë shtypja e fletëve të votimit.
A është kjo oferta e fundit?
Unë s’kam lënë takim tjetër, por jam i gatshëm nëse duan ata. Por asgjë më shumë se kaq.
A do t’i shtyni zgjedhjet?
Nuk ka qenë diskutim data e zgjedhjeve.
javanews.al/ma.me
