Ndryshe nga koha kur ish-kryeministri Sali Berisha deklaronte se Shqipëria konkurron me Gjermaninë për rritjen ekonomike, kryeministri aktual Edi Rama ka një tjetër këndvështrim konkurrence. Sipas tij, e vetmja pikë ku Shqipëria mund të konkurrojë me Gjermaninë është vetëm futbolli.
“Ka qenë një fazë kur besonin se ishim të dytët pas Gjermanisë, si një luan i vogël ekonomik por unë besoj se kemi vite dritë që na ndjanë dhe sa më shumë ne të përfitojmë nga drita e juaj aq më mirë është, por kur vjen puna të konkurrenca është t’ju mundim në futboll, më shumë se kaq nuk mund të arrijmë ndonjëherë. Edhe nëse nuk ju mundim, në skuadrën tuaj keni Shkodran Mustafin që nuk është i joni është i juaji, ju e morët. Gjermania ka më shumë hije të rëndë, ai në Gjermani ka peshën e interkonjeksionit që firmosëm ne sot këtu”.
Kështu u shpreh Rama gjatë firmosje së marrëveshjes së mes Republikes Federale të Gjermanise dhe Republikes së Shqipërisë për pjesën e dytë te financimit të Projektit “Linja e interkonjeksionit 400 kV Shqipëri – Maqedoni”.
Shqiptarja/d.i.
