Kryeministri Rama ishte i pranishëm në aktivitetin “Gjenerata e Re në BE” e drejtuar nga eurodeputetja Tanja Fajon. Kreu i qeverisë e ka cilësuar rrugën e integrimit të Shqipërisë drejt BE-së, si një forcë të domosdoshme për vendin, që sipas tij e ka motivuar këdo për të ecur më përpara.
“Fakti se jemi të përfshirëe pas 25 vitesh në kaq shumë domosdoshmëri, në një ankth të madh, sic është ajo e reformës së sistemit të drejtësisë është një e dhënë që na tregon shumë. Unë besoj fort se natyra pozivite e zhvillimit ështe e përcaktuar nga dy faktorë.
Nga kapaciteti i shqiptarëve si individë, për të guxuar dhe për të projektuar të ardhmen. Dhe nga ana tjetër, se Shqipëria nuk pati fatin të ishte një vend diku në mes të hapësirës, por në mes të Europës.
Mund ta themi që pa procesin e integrimit vendi ynë do e kishte patur të pamundur të hidhte hapat e progesit të hedhur, të pamundur që të ndërtonte një shtet normal. Nuk e di nëse cdo kishte ndodhur me këtë popull nëse nuk do të ishte në mes të europës… do ishte dicka shumë e rëndë sesa ëndrra më e keqe që mund të mendonim. Integrimit është elementi i vetëm që ne kemi si shoqëri, për tu bërë një shtet modern.”– tha Rama.
Kryeministri ka pranuar se pavarësisht procesit të integrimit konfliktualiteti politik është një e dhënë që nuk i shërben të mirës së vendit.
“I vetmi instrument që mund ta mbajë Shqipërinë tek një qëllim i madh… pavarësisht të gjithë konfliktualitet të natyrshëm që ne pastaj e organizojën në mënyrë të panatyrshme, procesi integrimit është i rëndësishëm.”- tha Rama.
