Kryeministri Rama ndodhet në Shkodër në inaugurimin e stadiumit të ri “Loro Boriçi”, ku sonte do të luhet ndeshja miqësore Shqipëri-Marok.
Gjatë inspektimit të sallës se gazetarëve në stadiumin “Loro Boriçi”, Rama shoqërohej edhe nga kryetarja e Bashkisë së Shkodrës Voltana Ademi. Gjatë takimit nuk kanë munguar batutat mes kryeministrit Rama dhe kryebashkiakes Ademi.
Rama ka “qortuar” kryebashkiaken Ademi që nuk po prish asnjë ndërtim pa leje.
“Voltana në portë, Voltana në sulm. Nuk ke prish asnjë ndërtim pa leje. Turp! O Zot ndihmoje Shkodrën“, ka deklaruar Rama.
Por nuk ka munguar as kundërpërgjigjja e kryebashkiakes së Shkodrës. Ajo ka akuzuar Ramën se nuk jep asnjë lekë për Shkodrën. Ademi ka deklaruar se nuk mund të prish ndërtimet që janë me leje. “Mund të prish tregun, por jo banesat“, i është drejtuar kryeministrit kryebashkiakja e Shkodrës, shkruan Shqiptarja.com
Sot në orën 20:30 do të luhet miqësorja Shqipëri-Marok në stadiumin “Loro Boriçi” në Shkodër. Kjo është ndeshja e parë që luhet në këtë stadium, që pas rindërtimit të plotë të tij.
