Analisti Afrim Krasniqi, nga Instituti i Studimeve Politike, ishte i ftuar në Debat në A2 CNN ku foli rreth dëgjesës në grupin e Partisë Socialiste me rektorin e Universitetit Bujqësor, Sallaku, ku kryeministri Rama reagoi edhe në lidhje me një status të publikuar prej tij, se diçka e tillë ishte e pazakontë dhe në shkelje të ligjit.
Sipas Krasniqit, Shqipëria është i vetmi vend ku partia në pushtet merr rolin e një gjykate apeli për një dosje të veçantë duke shtuar kjo tregon se vendi ynë ka zyrtarë të papërgjegjshëm.
“Mendoj që kryeministri u përpoq t’i jepte përgjigje shqetësimit tim dhe në fakt konfirmoi gjithçka që unë kam thënë. Sepse Shqipëria është i vetmi vend në një botë demokratike ku partia në pushtet, përfshirë kabinetin qeveritar, thërret dhe merr rolin e një Gjykate të Apelit dhe vë në gjykim një dosje. Kjo nuk ka ndodhur ndonjëherë dhe është e paimagjinueshme të ndodhë. Kryeministri u përpoq të thoshte se nuk po bënte gjë.
Kryeministri harxhoi 1 orë kohë për të denigruar këdo që mendon ndryshe. Sot më përdori emrin 21 herë, e bën, është mjeshtër i denigrimit. Më shqetëson që Shqipëria ka zyrtarë të papërgjegjshëm. Ky mesazh na jep kurajo për të vazhduar dhe tregon sesi do të jetë fushata elektorale”, tha Krasniqi.
O Krasniqe ! Duket se ju tropojaneve ju eshte mbushur mendja se keni lindur per te sunduar Shqiperine dhe shqiptaret, megjithese keni deshmuar se nuk jeni ne gjendje te qeverisni as veten tuaj, ndersa ( fatkeqesisht ) morali juaj eshte i nivelit me te ulet te mundshem ( e kam fjalen per ju tropojanet e politikes dhe jo krejt popullin e Tropojes ).