Në aktivitetin në Durrës, të quajtur “Të pastrojmë më tej Shqipërinë”, Kryeministri Edi Rama i është përgjigjur akuzave të studentëve që protestuan këtë të mërkurë përpara kryeministrisë në lidhje me reofmrnë në arsimin e lartë.
Kryeministri Rama tha se pavarësisht se arsimimi i lartë nuk është më mirë se kurrë më parë, të paktën janë kryer një sërë të mirash për të, duke nisur nga mbyllja e universiteteve private që prodhonin klientelizëm dhe diploma pa vlerë, deri tek ligji për arsimin e lartë, i cili do t’i hapë rrugë përmirësimit të të gjithë sektorit.
“Nuk kemi arritur të kemi universitete më të mira, po ta kishim arritur për dy vjet duhet të merrnin me siguri drejtimin e botës, por kemi arritur të pastrojmë një tumor të madh, tumonin e universiteteve private që ishin fabrika diplomash, gjithashtu edhe një sistem të tërë të cilit do ja shihni hajrin që të gjithë, edhe ata që që sot janë të bindur se është e duhura. Është një mundësi që universiteti të kalojë në një shkallë të re”, tha Rama.
