Kryeministri Edi Rama ka thyer heshtjen sa i përket sulmeve të Presidentit në adresë të ambasdorëve.
Kreu i qeverisë shkruan se partnerët janë vënë në shënjestër nga politikanët mjeranë dhe të çmendurit nga frika e drejtësisë.
Rama bën edhe një njoftim të rëndësishëm. Ai shkruan se Paketa kundër grupimit “kap ça të kapësh” do të prezantohet të hënën. Sipas tij, për këtë mekanizëm kanë ndihmuar edhe ekspertët e huaj.
Postim i plotë i Edi Ramës në Twitter:
Nesër prezantojmë Paketën Speciale AntiKÇK.Një mekanizëm i ri me fuqi speciale kundër krimit e korrupsionit. Falë ndihmës së ekspertëve të huaj të klasit të parë në luftën kundër terrorizmit, mafias e krimit të organizuar, ky mekanizëm do shkatërrojë themelin e foleve të krimit.
Sot kur partnerët strategjikë të Shqipërisë e ambasadat e tyre janë vënë në shënjestrën e politikës mjerane të të çmendurve nga frika e drejtësisë, Paketa Speciale AntiKÇK do të provojë përsëri se sa të paçmueshëm janë këta partnerë në luftën e Shqipërisë për progres e drejtësi.
Pa mbështetjen e SHBA/BE e ndihmën e përfaqësuesve të tyre në Shqipëri,s’do kishte nisur kurrë pastrimi i llumit të madh të (pa)drejtësisë e s’do ishte hapur dot kurrë perspektiva e barazisë së vërtetë para ligjit! Edhe Paketa Speciale AntiKÇK s’do bëhej dot pa ndihmën e tyre.
/a.r
