Janë afishuar pas dhjetë orë numerimi, votimet për kryesinë dhe sekretarët e Partise Socialiste, në një ditë surprizash që ka parë largimin e disa prej “senatorëve” të fundit të mbetur në parti dhe ngjitjen në forume të një numri emrash të rinj.
Kryeministri Edi Rama i ka cilësuar zgjedhjet e Asamblesë Kombëtare në PS si një tjetër ditë e shënuar demokracie në selinë rozë, fill pas përfundimit të plotë të procesit. Në lidhje me tërheqjen e deputetit “senator” Namik Dokle, Kryeministri e karakterizon si një moment mbresëlënës.
“Një tjetër ditë e shënuar demokracie në PS, zgjedhjet e Asamblesë së re Kombëtare për Sekretarin e Përgjithshëm, Kryesinë e re si edhe Sekretariatin Ekzekutiv të Partisë Socialiste.
Moment mbresëlënës tërheqja e Namik Dokles nga gara për kryesinë, me fjalët,
“Jam prej njëzetepesë vjetësh anëtar i kryesisë së PS, është momenti që t’i hap rrugën një më të riu, të një gjenerate më të re!”. Duartrokitje shumë të ngrohta dhe emocion i veçantë në sallë.”- shkruan Kryeministri.
Më pas Kryeministri ka hedhur në rrjetin social edhe fituesit e zgjedhjes së sotme, përfshi këtu sekretarin e përgjithshëm, kryesinë e re të PS dhe drejtuesit e sekretariateve.
Sekretar i Përgjithshëm, Gramoz Ruçi
Kryesia:
Arben Ahmetaj
Armando Subashi
Blendi Klosi
Damian Gjiknuri
Ditmir Bushati
Eglantina Gjermeni,
Erion Braçe
Erion Veliaj
Evis Kushi,
Fatmir Xhafaj
Lindita Nikolla,
Mimi Kodheli,
Niko Peleshi
Olta Xhaçka
Pandeli Majko
Saimiri Tahiri
Taulant Balla
Valentina Leskaj
Vangjush Dako
Vasilika Hysi
Sekretariati Ekzekutiv:
Sekretar për Organizimin Administrativ Bashkim Fino
Sekretar për Organizimin Digjital Alfred Peza
Sekretar për Organizimin e Burimeve Njerëzore dhe Marrëdhëniet me Koalicionin, Musa Ulqini
Sekretare e Rinisë, Elisa Spiropali
Sekretar për Reformën Strukturore dhe Emigracionin, Koço Kokëdhima
Sekretare për Koordinimin Elektoral, Blerina Gjylameti
Koordinator Kombëtar për Programin, Ilir Beqaj
