Kryeministri Rama me Presidentin serb Vuçiç, Milo Gjykanoviçi dhe kryeministri maqedonas Zoran Zaev ndodhen në Durrës për të parë nga afër dëmet e shkaktuara nga tërmeti i 26 nëntorit.
Presj ditës së djeshme tre liderët ndodhen në Tiranë në kuadër të Samitit të tretë të mini-Shengenit Ballkanik, i cili për dy ditë do të zhvillohet në Shqipëri.
Sot në orën 10.00, pritet të zhvillohet “Sesioni i liderëve”, ndërsa në orën 12.00 do të vijohet me Seancën Plenare me pjesëmarrjen e delegacioneve. Në orën 13.15, të ditës së shtunë, aktivitetet do të përmbyllen me konferencën e përbashkët për shtyp.
Takimi i radhës në Tiranë, vjen pas atij të Novi Sadit të Serbisë që ishte i pari dhe Ohrit në Maqedoninë e Veriut, por këtë herë risi është fakti që i është bashkuar edhe presidenti i Malit të Zi duke zgjeruar hartën e vendeve që duan të bëhen pjesë e kësaj nisme.
/a.r
