Publikimi i disa përgjimeve mes ish-drejtorit të Burgjeve me disa zyrtarë socialistë, ka sjellë edhe reagimin e kryeministrit Edi Rama.
Përmes Twitter, shefi i qeverisë shkruan se bëhet fjalë për një konkurs publik të punësimit dhe ‘kazani gjëmon deri në Amerikë’.
“Erdhi dita që Zëri i Amerikes të flasë nga kazani i Tiranës, duke përgojuar dynjanë mbi bazë llogjesh telefonike.
Për herë të parë në Albania organizohet konkurs publik për punësimet në burgje dhe kazani gjëmon deri në Amerikë e jehon në katundin tonë mediatik.
Çfarë katandie” – shkruan Kryeministri duke iu referuar kronikës së VOA-s ditën e sotme.
Më tej, Rama shprehet se media në fjalë u kujtua për emërimet partiake pas 30 vitesh.
“Shkoni verifikoni dokumentat e konkursit e ballafaqoni rezultatet me rekrutimet, pastaj hidhni baltë sa të doni!
U kujtuat për emërimet partiake në administratë, pas 30 vjetësh dhe duke sulmuar ultësisht, e aspak gazetarisht, pikërisht ata që po bëjnë çmos t’i vënë fre zullumit” – përfundon Edi Rama në Twitter.
Sot Zëri i Amerikës publikoi një pjesë të përgjimeve të Prokurorisë së Krimeve të Rënda që çuan në pranga ish-drejtorin e Përgjithshëm të Burgjeve Arben Çuko.
Sipas VOA-s, Hetimet e Prokurorisë së Krimeve të Rënda për ish-drejtorin e Burgjeve, Arben Çuko ekspozojnë farsën e konkurseve publike dhe ndërhyrjet për punësime nga zyrtarë lokalë, deputetë të Partisë Socialiste dhe në një rast, edhe nga kabineti i kryeministrit Edi Rama.
Në një rast të përgjimeve të cituar nga VOA thuhet se më 30 prill 2018, drejtori i Përgjithshëm në atë kohë i Burgjeve, Arben Çuko mori një telefonatë nga kabineti i kryeministrit Edi Rama. Biseda bëhej me porosi të drejtoreshës së kabinetit, Vali Bizhga dhe kishte në fokus punësimin e një vajze.
/a.rada
Ky Xhixhua i VOA, mos eshte xhaxhai i Erisa Xhixhos, dados se kalamajve te Monika Dhe Ilir Meta- Kryemdhit ?
Ku tu kerkoj rrenjet e tua Parti ? ( O Ilir Meta )