Këshilli i Ministrave diskutoi sot për shpalljen e paligjshmërisë së plotë të gjithë veprimtarisë së nxjerrjes së gurëve nga mali i Krujës.
Lajmin e bëri të ditur Kryeministri Edi Rama në takimin me koordinatorët e bashkëqeverisjes.
Rama tha se “tani jemi në fazën kur fillon ekzekutimi i mbylljes përfundimtare të një plage 30-vjeçare”.
“Pavarësisht se atë plagë e kam parë vetë shumë kohë më parë, pavarësisht se si kryeministër kam kërkuar në vijimësi për mbylljen e asaj plage, u deshën 5 vjet e gjysmë që kjo të ndodhte”, tha Rama.
Kryeministri shprehu bindjen se “tani është fundi i vërtetë i asaj masakre”.
Ndërkohë ai nënvizoi se “shtysa finale për këtë ishte zëri i qytetarëve përmes platformës së bashkëqeverisjes”. “Është një presion që vjen dhe funksionon dhe na ndihmon të identifikojmë personat përgjegjës për mungesën e një reagimi më të shpejtë”, tha Rama.
g.kosovari
