Përmes një postimi në Twitter, kryeministri Edi Rama thotë se ka zhvilluar një bisedë me përfaqësuesin e OSBE-së për Lirinë e Medias, Harlem Désir, ndërsa sipas tij së shpejti paketa anti-shpifje do të kalojë në diskutim publik.
“Bisedë e frytshme me Harlem Desir mbi përpjekjet për rend ligjor në median online.
Së shpejti Paketa Antishpifje AntiFakenews në diskutim publik.
Gati për të dëgjuar sugjerimet e kujtdo që do një media të çliruar nga shpifjet. OSBE, partner i çmuar në këtë betejë emancipuese” – shkruan Rama.
Më herët, Harlem Desir lëshoi kritika mbi procesin e AKEP për regjistrimin e portaleve online. Zyrtari i OSBE tha të enjten se sistemi i ri i regjistrimit është shqetësues për lirinë e medias.
