Kryeministri Edi Rama duke falenderuar ne faqen e tij ne Facebook, studentët dhe pedagogët e Universitetit “Aleksandër Xhuvani” të Elbasanit, për ftesën e për bashkëbisedimin e hapur që u zhvillua sot vlerësoi interesimin e tyre për ecurinë e reformave dhe posaçërisht për Reformën në Drejtësi e për Vetingun në veçanti.
Rama ka ftuar ata dhe të gjithë qytetarët që të firmosin peticionin on-line në faqen shpetovetingun.al në mbështetje të Reformës në Drejtësi dhe Vetingut.
“NJE KLIK PER NJE SHQIPERI ME DREJTESI –
Falenderoj shumë studentët dhe pedagogët e Universitetit “Aleksandër Xhuvani” të Elbasanit, për ftesën e për bashkëbisedimin e hapur që patëm sot. E çmoj shumë interesimin e gjeneratës së tyre për ecurinë e reformave dhe posaçërisht për Reformën në Drejtësi e për Vetingun në veçanti si hap vendimtar në zbatimin me sukses të kësaj reforme themelore për të bërë shtet.
Çmoj shumë po ashtu angazhimin e shumë organizatave të shoqërisë civile, të cilat kanë vendosur të dalin e ta mbështesin zbatimin e ligjit të Vetingut, duke mbledhur firma në rrugët e qyteteve tona.
Unë jo vetëm e mbështes peticionin e tyre dhe inkurajoj çdo qytetar ta firmosë, por ju inkurajoj të gjithëve të firmosni edhe peticionin online për të bashkuar zërin tuaj me zërin e historisë së përmbysjes së sistemit të kalbur të (Pa)drejtësisë që nuk e lejon Shqipërinë të bëjë shtet.
Me një klik secili dhe secila prej jush ndihmon atdheun tonë dhe u shërben fëmijëve të këtij vendi, në këtë moment kyç të historisë sonë të përbashkët:
shpetovetingun.al
Forca miq, Drejtësia do të bëhet Shqipëria do të bëhet”, shkruan Kryeministri Rama ne faqen e tij ne Facebook.
