Kryeministri Edi Rama ka reaguar për protestën e studentëve që po mbahet para ministrisë së Arsimit.
Kryeministri kërkoi dialog me studentët, ndërsa shtoi se protesta garantohet që prej 5 vitesh, pa rrezik për plumbat
Rama ftoi studentet në një takim të hapur, por pa drejtues e padagogë
“Një përshëndetje studentëve që sot janë në rrugë. Uroj që të kenë vullnetin për të protestuar për edhe për të dialoguar. Shqetësimi adresohet përmes dialogut. Prej 5 vitesh kemi garantuar protestën pa plumba apo prej hakmarrjes politike. Protesta e ka pasur të garantuar pacenueshmërin e statusit të saj. Unë dua që ata ta dinë se kam shumë për ti dhënë, por patjetër kam shumë dëshirë t’i dëgjoj, ballë për ballë, pa censurë për opinionin publik, pa drejtues, pa administratorë, pa pedagogë. Pra studentët e zgjedhur prej vetë protestuesve si të duan dhe kë të duan, pa asnjë filtër partiak apo administrativ. Po si kryeministër dhe si protestues i dikurshëm kam bindjen se duke dëgjuar njëri tjetrin dhe në këtë rast duke u bërë bashkë, për të shtyrë me forcë përpara modernizimin, mund të përshpejtojmë dhe bëjmë më mirë punë kolosale. Shkurt fjala se sa rrinë në rrugë dhe çfarë kërkojnë ata, kjo është e drejta e tyre legjitime. Ama detyra ime është që t’i dëgjoj dhe t’i mbështes në adresimin e shqetësimet e tyre në çdo rast që ata do të donin të bisedonin. Kur të duan dhe po të dëshirojnë të dinë ndonjë gjë, bujrum, kjo zyrë është e imja. Por pushteti i kësaj zyre është i kujtdo që kërkon ta përdorë për idenë e duhur në shërbim të vendit dhe shoqërisë dhe të ardhmes që fëmijët e Shqipërisë meritojnë”, deklaroi Rama
Javanews/a.çupaj
