I pranishëm në takimin me të rinjtë Shkodranë, kryeministri Rama tha se ka një rëndësi themelore që të kuptohet se zgjedhjete 18 qershorit janë zgjedhje mes Shqipërisë që kishim, që kemi dhe asaj që duam.
“Shqipëria që duam është shumë më e mirë sesa ajo që kemi. Ky është një udhëkryq që ndahet më 18 qershor. Ne do të vazhdojmë luftën për një drejtësi të drejtë. Shqipëria që kishim është sot e ngujuar në një çadër në mes të bulevardit. Ju e dini mirë: Kush ngujohet ka një arsye për t’u fshehur dhe një faj për të larë” – tha Rama.
Sipas tij, ngujimi në çadër është ngujimi që vjen nga një frikë e madhe, frika nga drejtësia.
“Motivi ynë për të shkuar në zgjedhje më 18 qershor është çlirimi i drejtësisë për t’i dhënë një hov më të madh ekonomisë” – tha Rama. /javanews/b.d
