Kryeministri Edi Rama mbajti fjalën në pritjen për nder të Presidentit të Francës, Emmanuel Macron. Kjo është vizita e parë e një presidenti francez në Shqipëri në gjithë historinë e shtetit tonë.
Për Ramën, Shqipëria dhe Franca kanë pasur gjithnjë një miqësi të hershme. Kjo pasi për shqiptarët historikisht Evropa ka qenë Franca dhe gjuha frënge.
Dhe nuk kanë munguar as emrat e mëdhenj francezë që kanë mbështetur Shqipërinë dhe shqiptarët, si p.sh poeti Lamartin apo filozofi Volter.
Në këtë kohë integrimi i Shqipërisë në BE është mjaft i rëndësishëm dhe Franca është e interesuar që kjo të ndodhë sa më shpejt.
Edi Rama: “Në të gjitha kohërat për të gjithë shqiptarët dielli lind në Perëndim. Nuk gënjej duke pohuar që për shumë shekuj në sytë e një farë Shqipërie që kishte një farë ideje te vetes së saj Franca ishte Evropa dhe Evropa për të qenë vetja e saj nuk mund të ishte veçse një Evropë trengjyrëshe.
Franca kujdeset që ëndrra evropiane e rajonit tonë të realizohet dhe që pritshmëritë tona legjitime të marrin një përgjigje qoftë edhe me porosi.
Kjo ëndërr autentike, kjo shprese mallëngjyese për të cilën fola pak që Shqipëria dhe shqiptarët të kenë miqësinë e francezëve të mëdhenj.
Ne nuk na kanë munguar miqtë franceze. Për një kohë të gjatë ka patur francezë që na donin, pastaj një Francë që nuk kishte më interes për ne.
Zot President në vitin e 101 të vendosjes së marrëdhënieve diplomatike vizita juaj riparon një plasaritje, forcon besimin dhe vendos lidhjet e privilegjuara që shpalosën në 2017.”
/a.r
