Kryeministri Edi Rama ka konfirmuar ndryshimet në kabinetin e ri qeveritar.
‘Pas pak, në 17.00, fjala ime drejtuar Asamblesë Kombëtare të Partisë Socialiste, propozimi i Sekretariatit të ri Ekzekutiv të partisë dhe paraqitja e propozimeve që do t’i drejtoj nesër Presidentit të Republikës për kabinetin e ri qeveritar! Live edhe në këtë faqe!’- thotë Rama ne rrjetin social facebook.
Kryesocialisti Edi Rama mbledh pasditen e sotme Asamblenë Kombëtare të Partisë Socialiste. Punimet e Asamblesë pritet të çelen në orën 16:30. Asambleja pritet me interes edhe për shkak se zëra për ndryshime në kabinetin qeveritar, nuk janë mohuar asnjëherë nga krerët e selisë rozë
“Reflektime dhe qarkullim mendimesh e idesh në prag të një sezoni të ri reformimesh dhe vetëreformimi”, tha Rama nëTepelenë më 28 korrik.
Mjaftoi një postim i tillë që kreu i qeverisë të krijojë ethe të kabineti i tij, për ndryshime të mundshme në qeveri në këtë fillim shtatori.
Burime për Report Tv, bëjnë me dije se ashtu si edhe është paralajmëruar, në Asamble pritet që të konfirmohet plani që kreu i ekzekutivit t’i japë më shumë pushtet zv. Ministrave në drejtimin e dikastereve qeveritare, detaj i cili u vu re edhe nga pjesëmarrja e tyre në analizën e fundit të mbledhjes së qeverisë të Organizuar në Tepelenë.
Më shumë angazhim, vendimmarrje e përgjegjësi për zëvendësit në të gjitha ministritë, ndërsa do të ketë ndarje të sektorëve në të gjitha ministritë. Besohet se një linjë të tillë, Kryeministri do të ndjek edhe për zëvendësuesit e tij në qeveri./m.j
