• Kontakt
  • Kreu
  • Rreth Nesh
Tuesday, November 10, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Rama duhet ruajtur nga deliri?!

by Ben Andoni
11/03/2019 23:40
Shperndaj ne FacebookShperndaj ne Twitter

Nga Ben Andoni

Shumica kurrë s’është e drejtë. Asnjëherë, këtë ua them unë! Kjo është një nga ato lloj gënjeshtrat në shoqëri që nuk e ndihmon dot as edhe një njeri të vetëm të lirë dhe inteligjent të ngrihet kundër. Cilët janë njerëzit që përbëjnë pjesën më të madhe të popullsisë – ata inteligjentë apo budallenjtë? Ky postulat është tërhequr nga “Armiku i Popullit” të dramaturgut të njohur Henrik Ibsen.

Në fakt, marrja e shumicës së vendeve në parlamentin shqiptar në zgjedhjet e fundit nga zoti Rama është përcjellë si një fitore absolute dhe si një revansh, mbi një opozitë krejt apatike dhe me vizion të cunguar. Për fatin e tij, me gabimet e pareshtura dhe me mungesën totale të një strukture qëndrimesh dhe qëllimi të opozitës, kryeministri Rama po lundron i qetë në pushtetin e vet, i cili po e deh gati në forma të pamenduara. Këtë e sheh nga leksiku dhe qëndrimi i tij, por edhe nga deklaratat e fryra, që i lënë vendin njëra-tjetrës.

Shqiptarët që mezi ranë rehat nga mbledhjet kilometrike të Ekzekutivit Berisha dhe qesëndive të tij, tashmë i janë dorëzuar një propagande, që ajo që bëhej dikur nga regjimi do të dukej krejt e përkorë. Edi Rama është prezent në vende të ndryshme brenda 24 orëve (!!!), kurse media ndjek hokat dhe batutat më intime me një grup njerëzish që i plotësojnë skenografinë Burrit të Shtetit. Kaq mirë e përgatitur gjithçka saqëv Ramës i mbetet të ndërrojë xhupat sportivë dhe të verë në kor shumë banorë hallexhinj sesi u ka zgjidhur hallet. Këta nuk pakësohen por shtohen dhe shtohen kudo, që ai shkel. Më keq akoma, askush nuk e frenon këtë kinezëri, duke na i sjellë ta gjalla ditët e diktaturës.

Askush nga ana tjetër, ose mjeshtrit e tij të komunikimit, nuk i thonë se komunikimi bëhet duke e transmetuar mesazhin nga A te B dhe jo nga A te A. Zoti Rama është përgjegjës bashkë me administratën e tij për strukturat që ngre për të zgjidhur hallet dhe jo për zgjidhjet sporadike, të cilat bëhen me telefona dhe nga portali i tij.

Por, qyqarët që u zgjidhen hallet nuk duan t’ja dinë. Ashtu si një masë e madhe presin nga Basha që protesta e 16 Marsit të jetë dita e fundit e Ramës si kryeministër. Ata duan thjesht të zgjidhin hallet e tyre. Në emër të një relaksi momental, të peshës që i hiqet, një qytetar i thjeshtë i këtij vendi është gati të thotë broçkullat nga më të  mëdha.

Rama dhe kolegët e tij harrojnë se janë zgjedhur për të shërbyer dhe për të qenë kokulur. Jo, Rama nuk e kupton sepse nuk e kuptojnë dot dhe njerëzit e tij të komunikimit. Ndaj, në podiume del i ngazëllyer me hoka të sikletshme, shpërndara kudo, e që bëjnë të qeshin vetëm militantët.

Politika nuk është një cak, por konsiderohet një mjet. Në asnjë rast, nuk duhet konsideruar si një produkt, pasi përbën një proces. Është arti i qeverisjes. Ashtu si vlerat e tjera ka edhe falsifikimet e saj. Sot, kaq shumë theks i është vënë falsitetit, saqë rëndësia e së vërtetës është errësuar kurse politika tashmë na shfaq kuptimin e egoizmit dinak, në vend të shërbimit të sinqertë, do të shprehej dikur Calvin Coolidge.

Kryeministri ynë nuk e kupton më se në çfarë udhe është futur, por edhe se ku po e drejton vendin. Dikush duhet ta ruajë Ramën nga deliri, sepse me këtë rast do të ruajë vendin nga kaosi, që e ka ngërthyer. Dikush duhet t’i thotë se falsiteti shitur plot ngjyra lëbyrëse, është aspak i lidhur me realitetin, që jetojmë.

Kjo të vinte ndërmend teksa dëgjoje delirin e tij me banorët e mbledhur në Fier dhe vuajtjen e militantëve të opozitës tutje, neveritur prej tij, që grishnin më kot të dëgjoheshin. (Gazeta Shqiptare)

Next Post
Horoskopit i dashurisë: Shenjat me fat në fundjavë

Dy shenjat më me fat për ditën e sotme, e martë 12 mars 2019

Leave a Reply Cancel reply

Your email address will not be published. Required fields are marked *

TË FUNDIT

Katër orë negociata Rusi-Ukrainë, s’ka ‘tym të bardhë’! Rubio: U bënë hapa konstruktivë! Lavrov: Nuk do i ulim armët siç kërkon Europa

Katër orë negociata Rusi-Ukrainë, s’ka ‘tym të bardhë’! Rubio: U bënë hapa konstruktivë! Lavrov: Nuk do i ulim armët siç kërkon Europa

November 10, 2026
Të shtëna me armë zjarri në Gjakovë, plagosen dy persona, arrestohet i dyshuari!

Të shtëna me armë zjarri në Gjakovë, plagosen dy persona, arrestohet i dyshuari!

November 10, 2026
Aksident në Sarandë, makina përplas egjiptianin këmbësor te “Terminali”, ja si paraqitet gjendja e 31-vjeçarit!

Aksident në Sarandë, makina përplas egjiptianin këmbësor te “Terminali”, ja si paraqitet gjendja e 31-vjeçarit!

November 10, 2026
“Synojmë të garantojmë pension dinjitoz”- Ministri Malaj: Inflacioni në vend 2.9 për qind, në Ballkan mbi 4 për qind! Po rishikojmë dhe…

“Synojmë të garantojmë pension dinjitoz”- Ministri Malaj: Inflacioni në vend 2.9 për qind, në Ballkan mbi 4 për qind! Po rishikojmë dhe…

November 10, 2026
Rruga Tiranë-Durrës, ministri Karakaçi zbulon afatin se kur përfundojnë punimet e aksit!

Rruga Tiranë-Durrës, ministri Karakaçi: Hapet në dy muajt e parë të vitit 2027, zgjerimi do shkojë deri te “Ura e Dajlanit”!

November 10, 2026
Buxheti 2027/ Zv/ministrja e Arsimit: Nga janari orar i zgjatur në shkolla, deri në 50 mijë lekë bursa për studentët!

Buxheti 2027/ Zv/ministrja e Arsimit: Nga janari orar i zgjatur në shkolla, deri në 50 mijë lekë bursa për studentët!

November 10, 2026
Inteligjenca artificiale rrezikon 800 mijë vende pune në Gjermani në 15 vitet e ardhshme

Inteligjenca artificiale rrezikon 800 mijë vende pune në Gjermani në 15 vitet e ardhshme

November 10, 2026
Iluzioni i rrëzimit të qeverive nga rruga

Pse aktorët politikë pro protestës nuk distancohen nga djegia e Tiranës?

November 10, 2026
Buxheti 10 miliardë euro, ministri Malaj: 30% e fondeve për mbrojtjen sociale, 250 milionë euro për pensionet, dyfishim i bonusit!

Buxheti 10 miliardë euro, ministri Malaj: 30% e fondeve për mbrojtjen sociale, 250 milionë euro për pensionet, dyfishim i bonusit!

November 10, 2026
Rubio: Presioni ekonomik ndaj Iranit po jep rezultate, SHBA nuk ka nevojë për sulme të reja ushtarake!

Rubio: Presioni ekonomik ndaj Iranit po jep rezultate, SHBA nuk ka nevojë për sulme të reja ushtarake!

November 10, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In