Partia Demokratike ka reaguar në lidhje me dorëzimin nga kryeministri Rama, në Komisionin Hetimor të Inceneratorëve, të dy vendimeve të Këshillit Bashkiak të Tiranës, ku jepet miratimi për ndërtimin e impiantit të përpunimit të mbetjeve.
Përmes një deklarate për media PD thekson se dy vendimet e paraqitura janë marrë pas firmosjes së kontratës koncesionare, çka dëshmon se kryebashkiaku Veliaj ka dhënë miratimin pa e kaluar në Këshillin Bashkiak.
REAGIMI I PD-SË
Edi Rama i paraqiti Komisionit Hetimor një vendim të Këshillit Bashkiak të 27 Shtatorit 2017, 6 muaj pasi Erion Veliaj kishte dhënë miratimin për inceneratorin e Tiranës.
Në dt. 27 Mars 2017, Erion Veliaj është shprehur dakord për projektin e inceneratorit të Fierit.
Në dt. 31 Gusht 2017, është nënshkruar kontrata konçesionare. Bashkëlidhur asaj është edhe një deklaratë e Erion Veliaj ku pranon të gjitha detyrimet që burojnë nga kontrata.
Megjithëse kjo e ngarkonte Bashkinë Tiranë me 91 milionë euro detyrime, Erion Veliaj ka dhënë miratimin pa marrë asnjë vendim të Këshillit Bashkiak, në kundërshtim me ligjin për vetëqeverisjen vendore.