“Do bëjmë çdo gjë PD të futet në zgjedhje më 18 qershor, por në radhë të parë të kalojnë nga kuvendi të votojnë vettingun”. Kështu ka deklaruar kryeministri Rama gjatë një takim me të rinjtë që votojnë për herë të parë në Elbasan.
“Do bëjmë çdo gjë që të vijnë në zgjedhje më 18 qershor, por në radhë të parë të kalojnë nga kuvendi të votojnë vettingun. Ndërkohë, erdhen nuk erdhen ata, është detyra juaj të mirëprisni çdokënd që do të vijë me ne. Nëse ka sot një zgjedhje të qartë për Shqipërinë që duam dhe nëse ka sot një fuqi që garanton drejtësinë, ajo është PS.”, tha Rama.
Kreu i qeverisë deklaroi se opozita ka frikë nga vettingu, prandaj është ngujuar në çadër.
“Shqipëria që duam është një Shqipëri ku ka drejtësi të barabartë për të gjithë, një Shqipëri ku nuk ka të dobët dhe të fortë, por të barabartë para ligjit. Që të bëjmë shtet duhet të vendosim drejtësinë në themelet e shtetit. Sa më shumë rezistencë i bën çadra drejtësisë, aq më i bindur jam se drejtësia do bëhet dhe vettingu nuk do të ndalet.”, tha Rama.
Kryeministri garantoi se nuk do të lejohet që Shqipëria të kthehet pas, pavarësisht se sipas tij, opozita synon pikërisht këtë gjë.
“Për të arritur të gjitha këto që duam të bëjmë për vendin, duhet vota. Ata që rrijnë në çadër duan të na kthejnë pas dhe shpresojnë që do të pengojnë popullin që të votojë. Nuk do të lejojmë që Shqipëria të kthehet pas”, tha Rama./javaneës.al
c.a
