Kryeministri Edi Rama ka komentuar sot protestën e opozitës duke theksuar se kjo e fundit nuk duhet të mbajë peng drejtësinë.
Sipas Ramës, procesi i vetingut i çliron reformat kyçe të vendit ndërsa ka ritheksuar se mazhoranca është e gatshme për dialog dhe pa kushte.
“Dialog për çdo çështje dhe pa kushte me opozitën, edhe tek çadra po të duan, po opozita nuk duhet të mbajë peng Drejtësinë dhe të ardhmen e këtij populli duke bllokuar Vetingun që çliron Shqipërinë, ekonominë, integrimin, punësimin, nga kthetrat e gjykatësve e prokurorëve të korruptuar” – shkruan Rama mbrëmjen e së shtunës në Facebook.
Pak orë para takimit Mogherini-Basha, ky i fundit pranoi në emër të opozitës dialogun me koalicionin qeveritar ndërsa vuri si kusht tre pika mes tyre, sipas PD, edhe qeverinë me mbështetje të gjerë politike. /b.d
