Kryeministri, Edi Rama, është shprehur pak minuita më parë se është i gatshëm për dialog me opozitën, por ky dialog, sipas tij, duhet të jetë pa kushte dhe pa kërcënime për destabilim që synojnë ta ëojnë Shqipërinë në vitet e errëta. Kreu i qeverisë ka nënvizuar se qeverisja është përgjegjësi dhe jo privilegj dhe nuk mund të hiqet dorë nga përgjegjësitë përsa kohë populli ka mandatuar qeverinë në zgjedhje. Me këtë qëndrim kryeministri ka bërë të qartë se nuk ka ndërmend të dorëhiqet, duke theksuar se partia që ai drejton është e hapour për ëdo reformim të Kodit Zgjedhor në bashkëpunim me opozitën dhe OSBE/ODIHR.
“Pritet çlirimi i Shqipwrisë nga gjyqtarët dhe prokurorët e korruptuar. Të ulemi në tavolinë pa vënë kushte. Të dialogojmë ‘ballë për ballë’ në bazë të Kushtetutës, jo të bëjmë lojëra kungulleshke. S’mund të ketë Shqipëri europiane me kërcënime për dhunë. Qeveria është përgjegjësi dhe jo privilegj. Nuk heqim dorë nga përgjegjësia përsa kohë jemi mandatuar. Çdo ide në funksion të përmirësimit të zgjedhjeve në bashkëpunim me OSBE/ ODIHR është e mirëpritur. Zgjedhjet janë të popullit jo të partive. Politikanët mund të marrin pjesë ose jo. Por s’mund të bllokojnë popullin për të votuar”, ka deklaruar Rama, pas mbledhjes së grupit parlamentarë të PS.
javanews.al/ma.me
