Krahas reagimit të djeshëm për protestën e opozitës, Kryeministri Edi Rama ka folur edhe sot, teksa lartëson veprimet e Policisë së Shtetit.
Shefi i ekzekutivit publikoi komunikimin e ministrit të Brendshëm, Sandër Lleshaj, i cili tha se strukturat e Policisë treguan nivel të lartë dhe aftësi profesionale duke mos toleruar aktet e dhunshme në protestë.
“Policia e Shtetit dha dje një tjetër shembull kuptimplotë dinjiteti në krye të detyrës, ndërsa dhunuesit e saj një tjetër arsye për t’u braktisur nga çdo qytetar i denjë i kësaj republike – Komunikim publik i Ministrit të Brendshëm, Sandër Lleshi”, shkruan Rama në “Facebook”.
Pas protestës së opozitës, Policia e Shtetit njoftoi se janë arrestuar 37 persona, të cilët ushtruan dhunë gjatë tubimit të së shtunës, ndërsa ka proceduar edhe 23 të tjerë. Në mesin e të proceduarve rezulton edhe sekretari i përgjithshëm e PD-së, Gazmend Bardhi.
/a.rada
