Koronavirusi ndryshon planin për ndërtimin e qytezës së re të Thumanës, ku do të strehohen të gjithë banorët që mbetën në qiell të hapur nga tërmeti i 26 nëntorit.
Ditën e sotme ka nisur puna, e ndërsa afati është që brenda vitit të ri të përfundohet ndërtimi i banesave sociale dhe infrastruktura, e ndërsa do të shtyhet për një moment të dytë pasi të kalojë kjo situatë, ndërtimi i banesave shumëkatëshe. Nisja e punimeve është inspektuar nga kryeministri Edi Rama, i shoqëruar nga ministri për Rindërtimin Arben Ahmetaj.
Ai tha se puna duhet të vijojë me një ritëm të shpejtë, tre turne në ditë në mënyrë që banorët e prekur nga tërmeti të festojnë vitin e ri në shtëpitë e tyre të reja.
“Duhet të bëjmë çmos që ta çojmë drejt Vitit të ri me sukses. Ndoshta nuk i bëjmë do të gjithë, me tre turne do punojnë, por të paktën banesat individuale do duhet të bëhen”, tha Rama.
“#TiNukDoJeshKurrëVetëm❤
🟢 THUMANË – NISIM RINDËRTIMIN😀
*të gjithë ata që janë në çadra a në shtëpi me qera, do t’i kthejmë në shtëpia të reja, më të mira, më të forta e më të bukura dhe pasi të fitojmë luftën që na ka zënë derën, do të përmbushim këtë kryedetyrë njerëzore të këtij viti të jashtëzakonshëm, duke zbatuar me çdo kusht porosinë e Zotit të Madh të Shqiptarëve, për t’u kujdesur deri në fund për ata që tërmeti i goditi më fort🙏”, shkruan kryeministri Rama në Facebook.
