Pas largimit të opozitës dhe fjalës së ish kryeministrit Berisha për nëvojën e dekusarizimit, ka reaguar kreu qeverisë Edi Rama, duke thënë se lufta e gjatë për dekriminalizimin dhe formularët e vetëdeklarimit nuk kanë arritur të zbulojnë asgjë. Kjo sepse sipas Ramës, në krahun e majtë të parlamentit, pavarësisht pretendimeve të opozitës nuk ka asnjë të inrkiminuar.
“Ne mund ta vazhdojmë seancën si një asamble e zgjeruar e së majtës së bashkuar, për të folur për reformat dhe objektivat tona dhe për tu marrë shumë pak ose aspak me saliun dhe faktet e tij të fabrikuara. Ata ikin sepse në këtë parlament dhe në anën e majtë të këtij parlamenti nuk ka asnjë person me rekorde kriminale. Ata ikin sepse ligji më unikal në planet, i kaluar edhe me vendimin tonë për të ashtu quajturin dekriminalizim të parlamentit, nuk arrin dot të zbulojë asgjë. Dhe edhe gjithë ajo seancë absurde, 48 orë marrëzi negociata, të mbyllura dhe të hapura 6 herë, për ta cuar në ekstrem një formular qesharak, ishte shprehja ekstreme e asaj se ata 19 kriminelët që do të kapeshin, ishin në fakt pjellë e fantazisë së asaj propagande të shthurur që prodhon vetëm mashtrime. Tani na nxorrën dekusarizimin, pas kësaj kushedise ku do të dalin këta.”- tha Rama.
Kryeministri Rama ka folur edhe për INSIG-un si dhe për koncensionet e kohës së Berishës dhe ato të qeverisë aktuale.
“INSIG-u është katandisur nga një kompani në tregun e sigurimeve në një fantazëm që ka thuajse më pak se 5 % të tregut sot. E katandisën nga një kompani lider, në një faktazëm, ata që sapo ikën. Politikat e qeverisë së vjetër, që nuk bëjnë dot opozitë… Ka një dallim themelor, koncensionet e qeverisë së vjetër ishin para që iu merreshin qytetarëve për shërbime të cilat përfitonin privatët, ndërkohë që PPP tona janë para që investohen nga privatët, për shërbime që i fitojnë qytetarët.