Debati për universitetin është bërë pjesë e diskutimeve sot në parlament. Duke iu përgjigjur akuzave të opozitës kreu i qeverisë tha se ajo që po ndodh sot në UT është një ngërç i krijuar nga sherri i brendshëm mes Rektorit dhe kryetarit të Bordit, siç u shpreh Rama, kush ka “bravën”.
Ai madje risolli para opozitës edhe diskutimet e djeshme me dekanin Dhori Klue, i cili ka qenë pjesë e styrukturave të PD.
“Dëgjova Dhori Kulen, anëtar aktiv i PD, që të fliste as më shumë e as më pak për gjendjen e UT. Ai ka pasur detyra të larta në PD, e ka përfaqëësuar PD në këshillin bashkiak, tha se i vjen turp për UT sot, as nga fakti se ka studiuar në atë universitet, por nga çka UT është sot, një vend që ka një ngërç të brendshëm, sepse rektori grindet me kryetarin e bordit të administrimt dhe përfundon puna në çështje bravash, kush ka bravën. Ndërrohen bravat në Universtet. Këtë të bravave e kisha dëgjuar në federatën e mundjes. Sapo dëgjova këtu që bravat i ndërron akti nënligjor”, u shpreh Rama.
Edi Rama: Qeveria s’ka asnjë kompetencë të administrojë UT, e administron Bordi. Sipas ligjit të ri, bordi është i ndarë nga drejtimi akademik, fillon nga rektori e zbret poshtë. Tjetra, është një fakt që në UT nuk ka shumë njerëz që dinë të bëjnë letra. Atëherë jemi plotësisht dakord me ndryshimin që unë nuk mendoj se s’ka njerëz, por mendoj se ata të cilët kanë detyrën që të bëjnë letrat, nuk bëjnë detyrën dhe nuk është e vërtetë që ne shkuam në Universitet. E vërteta është se ne morëm një shqetësim publik nga një grup pedagogësh dhe shprehëm gatishmërinë të takoheshim me senatin e UT, sepse nuk kemi të drejtën që të zgjedhim një palë kundër një pale tjetër, dhe të hyjmë në një diskutim të brendshëm q është ilegjitim. Nuk u mblodhëm, as s’e dinim që situata ka degraduar në ndërrimin e bravave mes Rektorit e kreut të Bordit. Na e thanë përfaqësuesit e senatit. Dhori Kule, përfaqësues i lartë i PD, të cilët u shprehën se na vjen turp të dalim në rrugë në këtë gjendje që është katandisur sot UT, për shkak, sipas tyre, të keqdrejtimit dhe abuzimeve me ligjin të Rektorit.
Berisha: Fole me gjuhën e Shullazit
Kryeministrit Rama iu përgjigj paraardhësi i tij në krye të qeverisë Sali Berisha. Ai e akuzoi Ramën se ka folur me gjuhën Shullazit para akademikëve.
“Foli dje me gjuhën e Shullazit para akademikëve, edhe Shullazi do ta kishte zili për atë gjuhë që foli. Të shprehësh ti, të quash universitetin bishti i fundit i kavallit, tregon gjuhën e një ordineri. Sepse për ty në këtë vend, o urrejtës që ke vetëm veten shok, median janë kazan, univeristet bisht kavalli, artiistët sdinë ç’këkrojnë. Ka qenë një Petro Koleka, një i çmendur, ai ka qenë gjyshi i tij, shko pyesni për të. Njeriu që sulmon çdo gjë, ky ka rrjedhur, jo ka rrjedhur, por ka luajtur dhe i çmendur fare. Me se i çove ti ato zhgarravinat e tua në Bienalen e Venecias. Ato u cilësuar si zhgarravainat e një adoleshenti të droguar. Në zhgarravinat e tua gjetën drogën”, deklaroi Berisha.
/a.m.
