Rama dëgjesë me studentë të UBT: Dialog, kërkesat nuk plotësohen nga ballkoni!

Kryeministri Edi Rama po zhvillon një dëgjesë me pedagogët dhe studentët e Universitetit Bujqesor të Tiranës.

Takimi u shoqërua edhe me momente tensioni, ndersa disa nga studentet u larguan nga salla, pasi sipas tyre nuk e dinin qe merrte pjese edhe kryeministri.

Kryeministri Rama insistoi edhe njehere per dialog. Kreu i qeverise tha se kjo proteste eshte  tmerrësisht larg protestes se studentëve të dhjetorit te pare.

Kryeministri paralajmeroi studentet, se me refuzimin e dialogut, studentet rrezikojne te humbasin ate qe ndertuan vete

“Hera e parë që studentët refuzojnë dialogun. Megafonin e kam përdorur edhe unë. Megafoni është i nevojshëm kur nuk ju dëgjojnë. Megafoni nevojitet kur nuk të dëgjon njeri. Refuzimi për të folur nuk është argument. E folura me forcë pa argument nuk është vlerë e shtuar. Jeni tmerrësisht larg studentëve të dhjetorit tjetër. Ata ishin kundër një regjimi që mund të nxirrte tanket në rrugë. Ata kërkuan që regjimi të ulej në tavolinë. I dolën përballë përfaqësuesit më të lartë të diktaturës dhe në fund fare fituan. Si do i zgjidhim problemet nëse nuk flasim? Asnjëherë. Rrezikoni të humbi diçka që e krijuat vetë.”, deklaroi Rama

Kryeministri ripërsëriti qëndrimin e tij për të paguar 100% të tarifës për studentët më 9 dhe 10 dhe për ata që vijnë nga familjet në nevojë.

“Pse të zbresim tarifat 50% për të gjithë studentët njëlloj. Pse të mos ua paguajmë 100% ekselentëve dhe atyre që vijnë nga familje në nëvojë. Pse të paguajmë ata që rrinë në kafe dhe marrin katra dhe pesa”, tha Rama

Kryeministri deklaroi se nuk mund t’i plotësojë kërkesat nga ballkoni i kryeministrisë, prandaj duhet komunikim

Mes të tjerash ai pohoi se studentët e kishin detyruar atë që të përdorte metoda të ndryshme për t’ju kthyer atyre përgjigje në Instagram.

“Çdo doktorant duhet të udhëhiqet nga një profesor. Standardi më normal është 1 profesor me 3-4 doktorant. Kemi më shumë doktorant për km/katrorë. Duhet të verifikojmë titujt se ka dhe me kopje. Problemi jonë është sesa i përdorim me efikasitet paratë tona. Sa i përket praktikave. Se di kush ia ka shkruar 8 pikat. Për mua janë të rëndësishme se na sollën këtu. Ato do të plotësohen 1 për 1. Angazhimi i qeverisë është që ato do të adresohen. Ne do dalim me një dokument që do të ketë një pjesë për të gjithë njësoj. Dhe një pjesë për secilin universitet. Duke u nisur nga ça dëgjojmë këtu se s’do i shpikim. Si ti plotësojmë në distancë? Në Instagram? Po ua kam thënë në Instagram. Qeveria e pranon sfidën për të plotësuar ato pika. Kur qeveria thotë ‘eja ti plotësojmë’, dhe studentët thonë ‘jo nuk vimë!’ Më shkruante dje një zonjë; ‘ore ça dialogu kërkon nga ata? Kam dy vite që kërkoj të dialogoj me dy që kam në shtëpi dhe ata nuk përgjigjen. Rrinë tërë ditën në telefon’. Mua të shkretin më keni bërë instagramist, duke dialoguar me shenja”, tha Rama.

Nderkohe që Rama vijon turin e dëgjesave, studentët vijojnë protestën poshtë zyrës së kryeministrit

Kryeministri nisi dje një tur dëgjesash me pedagoge e studente, ndersa takimin e pare e mbajti tek Gjeologjiku/ Javanews/a.çupaj