Batutave me dajren për mënyrën si po bën fushatë elektorale ua zunë menjëherë vendin tonet serioze. Kryeministri Rama shpjegoi në studion e emisionit “Opinion” pse nuk del në një debat televiziv me Sali Berishën.
“Nuk e njoh fare për kryetar opozite dhe nuk e konsideroj. E konsideroj një të vdekur që kujton se është gjallë”, tha Rama.
Thotë se Berisha duhet të kërkojë ndjesë për një foto të publikuar një javë më parë në të njëjtën studio.
“Personi që i është ekspozuar njerëzve si Erion Veliaj që ka vajtur në Iran për të bërë aferë për inceneratorët është në fakt një kitarist që ka kënduar kur Erion Veliaj ishte 2 vjeç”, tha Rama.
I bindur u shpreh që fitorja në 14 Maj do të jetë e thellë madje ka edhe shifra.
“Sot në Shqipëri janë të mbyllura 49-50 bashki. Nuk ka asnjë garë në Shqipëri sot që të jetë e mbyllur për ata, është e hapur”, tha kryeministri.
Posaçërisht, njëri prej kandidatëve të opozitës që nuk meriton votën e qytetarëve thotë se është Fredi Beleri në Himarë.
“Jeni ju që rrezikoni të humbisni letrat greke sepse avokati më i madh i emigrantëve në Greqi dhe i minoritetit grek dhe çdo greku që jeton në Shqipëri jam unë”, tha Rama.
Ndërsa synimi i madh është Shkodra për të treguar se si mund ta qeverisin socialistët.
“Maksimumi që mund t’i jepnim si mundësi na jepni këtë mundësi katër vjet dhe shihni çfarë bëjmë ne”, u shpreh kreu i qeverisë.
/a.r
