“11 milionë euro në dispozicion për t’u investuar për projekte individuale, familjare apo në grup për agroturizmin”, tha Edi Rama sot në Himarë.
Gjatë dëgjesës pati edhe disa debate mes banorëve dhe Ramës, për pronat, punësimet dhe probleme të tjera që i shqetësojnë, shkruan Report TV.
Ndërsa nuk munguan edhe batutat me banorët, pasi kryeministri është nip në Vuno.
Qytetarja: Nuk po na jepet e drejta për kullotat për kopenë në Vuno, vetëm ne jemi
Kryebashkiaku Goro: U kemi dhënë përgjigje, nuk keni bërë procedurat e duhura, e kemi parë me kujdes cdo gjë
Rama: Ai po të jep përgjigje, duhet ta dëgjosh.
Po i shoh dokumentet, kjo nuk bëhet duke ndërprerë njeri tjetrin, na turpëron edhe Vunoin, na e nxjerr sikur është vendi i njerëzve me 39.
Mos na nxirr namin e keq. Të lutem se po e tepron.
Mos se do të thonë u zunë vunjotësit me njëri tjetrin.
Ca qengji urtë ti?! Ti paske edhe 300 të tjerë pas…
Do të shikojmë mundësinë që ta shpallim edhe gruan heroinë të punës, që të përballon ty.
Qytetarja: Kemi probleme me pronat, na i kanë marrë
Rama: Lesh arapi, që nuk e merr vesh i pari të dytin. Do të shikojmë letrat dhe në bazë të letrave, kujt i takon do i njihet e drejta.
Qytetarja: Kryetari i bashkisë është vetëm për njerëzit e tij këtu, jo për të drejtuar punën
Rama: Nëse toka është shpronësuar për interes publik shkruani te faqja, aty me fakte…
Qytetarja: Këtu e ke bërë plazhin, je rritur këtu…
Qytetari: Berisha më tha që Borshi nuk ka dalje në det, mos e bën si Berisha na ndihmoi edhe ne, se të kam njohur që të vogël.
Rama: Mos na e përmend, se është edhe ditë e premte, do të na prishësh muhabetin
(Një qytetare vijonte që të fliste ndërkohë që vijonte bashkëbisedimi me qytetarët)
Rama: Boll se na çmende…
/b.d
