Kryeministri Edi Rama ishte sot fshatin Meshan të Gramshit ku zhvilloi një takim me fermerë të zonës. Objekt kryesore i takimit ka qenë Fondi i Garancisë. Sipas Ramës, fshati nuk duhet të konsiderohet si lëmoshë, por të kthehet në aleatin kryesor të një qeverie për të garantuar ushqimin e popullit të vet.
Megjithate debati i kryeministrit Rama me fermeret u zhvendoset dhe tek Reforma per Drejtesi, ku kreu i qeverisë teksa shkëmbeu batuta me ata, garantoi se cdo hap do të hidhet me radhë.
“Fshati është aleati kryesor i një qeverie për të garantuar ushqimin e një populli të vet. Dhe qeveria nuk e mban në gjendje lëmoshe por e mbështete duke i siguruar bazën, por ka njerëz që ecin më ngadalë, por familja fermer duhet të funksionojë si një familje e vogël biznesi në qytet.
Sot ne e vendosim këtë, se ai ligji i famshëm 7501 që e shpërndau tokën, por duke mos e kthyer e duke mos e bërë pronar. Që të mund të bëhet kjo që ne po bëjmë duhet të ishte bërë me kohë reforma territoriale administrative, dhe jo të mbahej peng”, tha Rama.
Sipas kryeministrit, lënia e fshatit në mëshirë të fatit nga qeveritë e kaluara, ka sjellë dhe largimin e të rinjve nga Shqipëria.
“Është e lehtë që themi sot që ikin të rinjtë. Po ikin. Si mos të ikin? Po si të rrinë të rinjtë më këtu? Sidomos këta në fshat.
Që u shkatërrohet ëndrra për të ardhmen teksa shohin babain që rropatet e sjell vetëm djathë e bukë në shtëpi dhe se ka një tokë që nuk e zhvillon dot sepse nuk ka një mbështetje financiare. Ja këtë do përpiqemi të bëjmë ne. Të ndihmojmë fshatin të zhvillohet”.
Në debatin me fermerët Rama hasi dhe në disa kërkesa të tyre mbi fshatin. Kryeministri garantoi se gjërat do të bëhen me radhë, ndërsa u ndal dhe tek gjykatësit.
Batutat me fermerët:
Fermeri: Fshati ynë ka 20 shtëpi, kemi një rrugë që nuk kalohet. Na kanë premtuar shumë , por deri tani nuk është bërë asnjë gjë. Me ardhjen tuaj, besoj do bëhet ndonjë gjë. Besoj se meritojmë të bëhen gjëra
Rama: Po më gjetët një fshat që nuk e meriton, na e trego, që të paktën të heqim një nga lista. Edhe ju e meritoni patjetër. E kam të qartë unë sa e vështirë është jeta në këtë fshat, apo në cdo fshat tjetër të varfër të Shqipërisë.
Fermeri: Këta që na sollën në këtë situatë, përse nuk janë para drejtësisë, po rrinë akoma si ferra nëpër këmbë?
Rama: Duhet të shkojë njëherë gjykatësi para ligjit dhe jo të të cojë ai para ligjit ty…
Fermeri: Po pse rrinë në ferra
Rama: Me se hiqen ferrat
Fermeri: Me kosë
Rama: E pra kosa, është sistemi i drejtësisë. Duhet të reformohet sistemi që të funksionojnë gjërat. Tani që të fillojë sistemi i ri i drejtësisë, do të reformohet cdo gjë. Me kosën e drejtësisë do të bëjmë punën tjetër.
Fermeri: Me kosen
Rama: Jo me kosë, jo. Është njësoj si ti të mbjellësh grurin dhe unë të të them, ‘më bëj bukën’. Por unë të them më bëj bukën, ti më thua prit se fara është ende nën tokë, sa të rritet pa sa të zhvillohet bima”.
Po mos ishte kështu nuk kishim ardhur këtu ne, u bë kështu 25 vite dhe duket se këtu shtëpia duhet prishur, ndërtuar, mobiluar e pastaj të futemi brenda të jetojmë. Se ajo koha që tha ai miku i kooperartive ku dhe kosën e bënte kryetari kooperativës ka ikur.
Fermeri: Duam kanalizime në fshat
Rama: Sa fëmijë ke?
Fermeri: 3
Rama: I bërë një e nga një apo përnjëherë
Fermeri: Një e nga një
Rama: E pra ndaj dhe ne do i bëjmë me radhë gjërat.
