Kryeministri Edi Rama dhe Kryetari i Partisë Demokratike Lulzim Basha kanë replikuar në distancë me njëri-tjetrin, në lidhje me situatën ekonomike dhe më konkretisht me kasat fiskale dhe luftën ndaj informalitetit.
Ka qenë shefi i qeverisë i cili përmes një postimi në Facebook, ka theksuar se aksioni ndaj bizneseve informale që do të nisë në shtator, do të bëjë të mundur rritjen e mëtejshme ekonomike duke sjellë rritje të pagave dhe ulje të taksave. Sipas tij gjatë qeverisjes së majtë, janë shtuar me rreth 25 mijë kasat fiskale të shpërndara nëpër biznese, krahasuar me tetorin e vitit 2013.
“Lufta e përbashkët me informalitetin do të na japë mundësinë të rrisim rrogat dhe të ulim taksat. Shembujt dhe shifrat ndihmojnë për të kuptuar se sa shumë kemi bërë në 20 muaj në luftën kundër informalitetit, por edhe se sa e madhe është mundësia që na jep më tutje një luftë frontale, e përbashkët, e çdo qytetari që do rritje rrogash dhe e çdo biznesi që do ulje taksash, kundër atyre që vjedhin konsumatorin duke mos dhënë kuponin fiskal për atë që shesin si edhe atyre që u bëjnë konkurencë të pandershme biznesve të rregullta duke shmangur taksat. Një tjetër shembull:
I menjëhershëm ka qenë reagimi i kreut të opozitës, Lulzim Basha, i cili ka akuzuar kryeministrin për zhdukjen e 160 mln dollarëve nga buxheti i shtetit. Basha ngre disa pyetje ndaj kryeministrit:
“Kryepergjegjesi per vjedhjen e 160 milione dollareve nga tatimet dhe doganat sapo deklaroi se numri i pajisjeve fiskale qenka rritur me plot 25 mije gjate qeverisjes se tij. Pra numri i kasave qenka rritur. Taksat u rriten. Tarifat u rriten. Aksizat u rriten. Faturat e energjise u rriten. Cmimi i naftes ne qiell. Atehere ku jane parate qe i mungojne buxhetit? Dridhen e perdridhen me lloj lloj perrallash, por e verteta eshte se miliona dollare qe i mungojne arkes se shtetit kane perfunduar ne xhepat e qeveritareve. Vjedhin taksat e qytetareve dhe u tregojne burgun atyre qe luftojne per buken e gojes. Kjo eshte e verteta e tmerrshme qe nuk mbulohet dot me shoshen e propagandes bajate” shkruan Basha
