Kryeministri Edi Rama i është përgjigjur Lulzim Bashës pas akuzave dhe paralajmërimeve të pak ditëve më parë ndaj arkitektit të Teatrit të ri Kombëtar, Bjarke Ingels. Basha u shpreh se arkitekti danez po kthehet në një bashkëpunëtor i vjedhjes së tokës së teatrit në Tiranë për interesat narkomafioze të Edi Ramës.
“Bjarke Ingels është një bashkëpunëtor në grabitjen e tokës nga narkomafia e udhëhequr nga kryeministri Edi Rama, ndaj paralajmërohet: do të trajtohesh si non-grata nga komuniteti i artistëve dhe populli i Tiranës”, tha Basha në datë 6 korrik
Ndërsa Rama ka zgjedhur që t’i përgjigjet sot duke marrë shkas nga fakti që New York-u ka zgjedhur arkitektin danez Bjarke Ingels për projektin e transformimit të të gjitha parqeve urbane në formë digash, për të parandaluar përmbytjet.
“Arkitekti i Teatrit të Ri Kombëtar, Bjarke Ingels, po realizon projektin e shekullit në New York, transformimin e vijës ujore të kryeqytetit të botës në një digë të gjelbër për mbrojtjen nga dallgët e larta… ndërsa në Shqipëri Lulzim Basha betohet ta shpallë persona Non Grata”, shkruan Edi Rama.
ma.me
