Kryeministri Edi Rama zhvilloi një takim me votuesit për herë të parë në Lezhë. Para të rinjve Rama komentoi sërish protestën e opozitës. Ai tha se opozita nuk i do zgjedhjet pasi ka dalë në mbrojtje të prokurorëve dhe gjyqtarëve të korruptuar.
“Ata që janë mbyllur në bunkerin prej plastmasi kanë frikë nga drejtësia. I lanë të gjithë qytetet e Shqipërisë pa një hapësirë të vetme publike, pa një hapësirë për njerëzit, pa një hapësirë për ta ndjerë veten pjesë të botës ku duam të integrohemi. Ata që sot janë ngujuar në atë bunker kanë një arsye shumë të thjeshtë, ata nuk duan që ne të gjithë së bashku, populli mbarë pavarësisht bindjeve politike, në 18 Qershor të pushojmë nga puna prokurorët e gjykatësit e korruptuar. Ata nuk duan që ky popull pas 27 vjetësh nën thundrën e padrejtësisë, pas 27 vjetë torturash nëpër gjykata të çlirohen më në fund nbga kthetrat e prokurorët e gjykatësit që do jenë të parët që do përgjigjen për padrejtësitë që kanë bërë. Ata e dinë shumë mirë që duke bllokuar Vettingun, dhe duke dalë në mbrotje të gjykatësve e prokurorëve të korruptuar nuk mund të shkojnë as te demokratët për votë, ndaj nuk duan zgjedhje”, tha Rama.
Rama komentoi edhe mesazhin e komisionerit Johanes Hahan dhe reagimet që pasuan nga opozita. Ai th se opozita kërkon ta ndajë Shqipërinë nga Evropa.
“E patë se si BE ju foli hapur të gjitha shqiptarëve, që të vazhdojnë përpara e të marrin pjesë në zgjedhjet e 18 Qershorit. Ata janë gati ta prishin Shiqpërinë me të gjithë miqtë, për një arsye shumë të thjeshtë, sepse ata kanë frikë nga dretësia. Por pa një drejtësi të drejtë Shqipëria nuk bëhet dot anëtare e BE. Midis padrejtësisë dhe Evropës ata kanë zgjedhur padrejtësinë”, deklaroi Rama.
/a.m.
