Programi i qeverisë për nxitjen e agroturizmit, do të nxjerrë nga kthetrat e varfërisë fshatin. Kështu deklaroi kryeministri Edi Rama gjatë edicionit të 2-të të “Panairit Mesdhetar të Turizmit, Tirana 2018” në Expocity Albania me operatorë turistikë nga i gjithë rajoni i Mesdheut, në prag të sezonit turistik.
Kryeministri deklaroi se ulja e TVSH për stukturat akomoduese do e ndihmojë ndjeshëm turizmin në Shqipëri
“Qeveria e vendosur për zhvillimin e turizmit, si një sektor strategjik për vendin. Jemi në një pozicion strategjik dhe ka një rritje të vazhdueshme të interesit të turistëve, por edhe të ndërmarrjeve të investitorëve. Ulja e TVSH për stuktura akomoduese do e ndihmojë ndjeshëm turizmin në Shqipëri. Jemi pjesë e një hapësirë konkurrence të fortë në rajon, duhet të përballemi me boshllëkun e krijuar në vite. Gjendemi në një moment kur shohim një rritje vjetore të të ardhurave me 10%. Turizmi, kërkesa shumë më e lartë se oferta. Kemi ndërtuar një plan për agroturizmin dhe do bëjmë publike lehtësirat që do të krijojmë për ndërmarrjet që do krijojnë stuktura agroturizmi në zonat rurale të vendit. Do i japim mundësi rritjes së ekonomisë familjare në fshat. Kjo do përbëjë një rrugëdalje të sigurtë nga kthetrat e varfërisë. Do të ndëshkojmë strukturat pritëse që derdhin ujërat e zeza në det. Jemi të vetëdijshëm se nuk do të arrijëm të bëjmë gjithçka, por ata që do të shkelin kushtet nuk do të tolerohen.”, tha Rama
Shefi i qeverisë paralajmëroi bizneset në bregdet qe të mos derdhin ujërat e zeza në det.
“Nuk do të lejojmë dhe do të ndëshkojmë struktura pritëse në bregdet që derdhin ujërat e zeza në det. Të gjitha duhet të marrin masa për tu pajisur me sisteme të depurimit, dhe për të garantuar që çka është domosdoshmëria e aktivitetit të tyre të mos kthehet në një kosto, as për mjedisin, as për vizitorët dhe as për imazhin e vendit tonë.”, tha Rama
Rama tha se qeveria do rrisë parametrat për sezonin turistik. Do fokusohemi tek pastërtia, siguria, por edhe aktivitete të tjera.
Sektori i agroturizmit shqiptar, do të jetë një nga përfituesit kryer nga fondet e Bashkimit Europian (BE) përmes programit IPARD që pritet të nisë zbatimin në muajin maj -qershor të këtij viti.
Javanews.al/a.ç
