Kryeministri Edi Rama ka reaguar ndaj diskutimeve mbi rolin e institucioneve shtetërore në komunikimin publik, duke mbrojtur funksionimin e Agjencisë për Media dhe Informim.
Në një postim në X, Rama sugjeron se vlerësimet mbi marrëdhënien mes qeverisë, medias dhe publikut duhet të bazohen edhe në analizat e profesionistëve që monitorojnë komunikimin qeveritar.
Ai thekson se nga këto analiza dalin shpesh kundërshti me perceptimet kritike, sidomos në rastin e Shqipërisë, të cilën e përshkruan si një vend të lirë.
Reagimi i Ramës:
Unë kurrë nuk kam thënë që ju matni komunikimin e qeverisë, por tani që e përmendët, thjesht po mendoj: a nuk është ndoshta një ide e mirë që ju të lexoni raportet e atyre që realisht e bëjnë këtë, dhe e bëjnë në mënyrë profesionale dhe objektive?
Mund t’ju ndihmojë, sepse dalin në pah kundërshti të rëndësishme midis vlerësimeve tuaja dhe të tyre kur bëhet fjalë për marrëdhënien midis qeverisë, medias dhe publikut në një vend të lirë si Shqipëria, ku, ndryshe nga sa keni pretenduar dikur, madje më shumë se një herë, Agjencia për Media dhe Informim duket se ka qenë një ide shumë e mirë në shërbim të lirisë së informimit. Kaq.
