Gjatë mbledhjes së Asamblesë Kombëtare të Partisë Socialiste, kryeministri Rama evidentoi 4 ministra duke dëshmuar pëlqimin e tij.
Foli për rendin nën lidershipin e Tahirit, lëvdoi reformën në Arsim nën lidershipin e ministres Nikolla, reformën në fushen e Energjisë, nën drejtimin e ministrit Gjiknuri dhe gjithë progresin e fortë të kryer në sistemin e Shëndetësisë dhe zbatimin e programit qeverisës në këtë sektor, nga ministri Beqaj.
Rama duket se kështu ndau skalionin e parë të ministrave të cilët ai i vlerëson si ata që kanë merituar më shumë besimin e tij. Këtij grupi kryeministri i bashkëngjiti në fjalën e tij më pas edhe ministrin e jashtëm Bushati.
Ka javë që në Tiranë spekulohet për mundësinë e ndryshimit të qeverisë. Sot, pa folur për këtë temë, Rama dha një përgjigje “për hiearkinë” e njerëzve të tij në qeveri.
