Kreu i qeverisë, Edi Rama është ndalur sot në Himarë, në takimin përmbyllës të fushatës në këtë bashki, duke nënvizuar ndryshimet e mëdha që janë bërë në gjithë zonën, që sipas tij, dikur ishte Bathorja në buzë të mrekullisë së Jonit.
“Sot Himara nuk është ajo që duam, por është në transformim e sipër. O e bëjmë ne, o nuk e bën askush tjetër, as Himarën, as Shqipërinë”, tha Rama.
Rama deklaroi nga Himara se zgjedhjet do të mbahen më 30 qershor dhe këtë nuk e luan as topi.
“30 qershori është të dielën dhe nuk e luan as topi, jo më ta luajë filxhani i Monikës dhe dekret pas dekreti i Baba Xhikës që më kishte çuar një letër dashurie që çuditërisht ma çoi pasi u djeg KZAZ në Vaun e Dejës. Dashuri me kod. Dhe kujtonte edhe Ramiz Alinë. Ai i shtyu zgjedhjet sepse e kishte gjithë popullin në rrugë”, deklaroi Rama.
Ai ka falënderuar publikisht ish-ministrin Damian Gjiknuri. “Falënderoj Damianin për faktin se në asnjë minutë nuk ka harruar detyrën si drejtues politik i qarkut pavarësisht se ka pasur mbingarkesa pune kur ka qenë ministër, apo mbrapa kur nuk është ministër i ka qëndruar mbi kokë Vlorës dhe punët flasin vete edhe falë këmbënguljes së tij që e meriton plotësisht një falënderim”, tha ai.
g.kosovari
