Kryeministri Edi Rama, në një takim paraditen me Drejtoritë Rajonale të Punësimit, deklaroi se “të gjitha zyrat kanë realizuar objektivat, ndërsa një pjesë e tyre i kanë tejkaluar”.
“Nga maji i vitit të kaluar deri tani, kemi 28 324 të punësuar më shumë.
Kjo është një shifër që do të përqeshet ndoshta në rrjetin e komentatorëve të ERTV-së, por është realiteti.
Siç është realitet edhe fakti që përmes Zyrave të Punës janë punësuar mbi 14 mijë persona në këtë 6-mujor”, theksoi kreu i qeverisë.
“Ata që duan t’i verifikojnë këto shifra, mund t’i referohen regjistrit të sigurimeve shoqërore të Republikës së Shqipërisë”, shtoi Rama.
Kryeministri nënvizoi se “ka ende hapësirë për të thithur njerëz në tregun e punës”.
Rama tha se qarku me numrin më të lartë të njerëzve të punësuar është Gjirokastra.
Rama theksoi se rreth 31 mijë vende pune të lira janë shpallur nga Zyrat e Punës.
“Në shumë biznese shumë të drejtat e punëtorëve nuk jepen. Në disa zyra pune ka akoma probleme me standartizimin e procedurave. Zyrat rajonale duhet të jenë më bashkëpunuese me zyrat vendore, jo gjithmonë rezulton se bëhet”, tha Rama
a.ç
