Në konferencën ndërkombëtare të thirrur nga Presidenti Bujar Nishani, në 25 vjetorin e ditës së Rinisë, Kryeministri Edi Rama tha se edhe pse cerek shekulli larg, politika shqiptare ende e sheh kundërshtarin si një armik. Ndryshimi i vetëm mes këndvështrimeve sipas Ramës është se nën komunizëm ai që konsiderohej armik vritej, ekzekutohej apo internohej.
”Ballafaqimi me të shkuarën tonë dhe me sfidat e BE është se dallimin nuk e bën klima, nuk e bëjnë njerëzit, por e bëjnë institucionet. Besoj që mund ta ndajmë pa ndonjë vështirësi të madhe një tjetër fakt. Kultura e bashkëjetesës sonë në këto 25 vite e ka vuajtur shumë të shkuarën komuniste, ashtu sikundër shqipëria e ka vujatur shumë të shkuarën të marrë si tërësi, sepse jemi të gjithë dëshmitarë të faktit ser komunizmi godiste pa mëshirë deri në marjen e jetës së mesazherit, për të fshirë sms. Nuk kishte asnjë debat të mundshëm, nuk kishte as oponencë as kundërshtarë, por vetëm armiq.
Pas 25 vitesh ne ende nuk jemi çliruar nga kjo, pavarësisht se nuk persekutohet apo burgoset kush.”- tha Rama.
Kryeministri Edi Rama, në fjalën e tij në konferencën me temë “ Shqipëria dhe Europa pas 25 vitesh”, tha se politika ende meret me mesazherin dhe jo me mesazhin.
“Ne kemi 25 vite që jemi duke u marrë me mesazherin dhe jo me mesazhin, dhe ende nuk e kemi kaluar që oponenti, kundërshtati i ndryshmi të pranohet, e të mos shihet më si dikur, si armiku që duhet ekzekutuar.
Sot nuk kemi asgjësim, por kemi një riciklim të përditshëm të një procesi tejet të polarizuar politik, që në këndvështrimin tim është një reflektim i së shkuarës.
Besoj që pas 25 vitesh, duke marrë parasysh këto dy gjera jeni në gjëndje së bashku, të themi se procesdi i integrimit europian, është një instrument unik, të cilin as ne e as një vend tjetër nuk do të kishte mundësi ta shpikte, nëse ai nuk do të ishte, për të ecur në rrugën e transformimit të bashkëjetesës në liri, në një bashkëjetesë në demokraci.”- theksoi Kryeministri.
Berisha: Dy armiq ka Shqipëria, korrupsionin dhe krimin e organizuar
“Armiqtë kryesorë të qenies tonë sot janë korrupsioni dhe krimi i organizuar, që marrin përmasa të frikshme, rrënojnë çdo orë, që luftohen me të njëjtin kurajo dhe guxim të keqen e madhe që lamë pas 25 vite më parë”.
