Vendimi i Gjykatës së Apelit për vulën e Partisë Demokratike ka rikthyer debatet e forta brenda kësaj force politike, e cila zyrtarisht drejtohet nga Lulzim Basha edhe pse ai është dorëhequr publikisht.
Ylli Rakipi ka pyetur Flamur Nokën në emisionin “Të Paekspozuarit”, se përse zemërimi i tyre është i drejtuar i gjithi ndaj Ramës dhe jo edhe ndaj Bashës, që sot po e mban peng partinë.
Ylli Rakipi: Para se të shkoni te shtëpia e Edi Ramës, mos vallë duhet të shkoni te e Lulzim Bashës? Sali Berisha çohet çdo mëngjes dhe thotë do të shkojmë në Surrel.
Flamur Noka: Pse të shkojmë te shtëpia e pengut, ne shkojmë te e padronit. Në rast se qeni im të kafshon ty, ti to të ndjekësh qenin nëpër lagje apo do të më gjesh mua?
Ylli Rakipi: Ne po flasim për njeri me ndërgjegjie, jo për qenin. Basha ka ndërgjegjie. Ata nuk janë qenie pa ndërgjegjie. Para se të merrni Ramën zvarrë siç thoni, merrni atë njëherë.
Flamur Noka: Në rast se më kafshon qeni jot, unë merrem me ty dhe jo me qenin.
Në emisionin “Të Paekspozuarit” ka patur një sherr mes Flamur Nokës dhe Ergys Mërtirit lidhur me këtë çështje.
Ergys Mërtiri: Basha dha dorëheqjen dhe tha po bëj një hap pas, nuk tha se do të jap dorëheqjen nga politika dhe vetë e ka thënë se do të rikthehem me një proces votimi. Çfarë ka këtu? Ka ikur!
Flamur Noka: Ka ikur, u bëri naftën atyre që e mbështetën.
Ergys Mërtiri: Ore mund ta shash, mund ta kërdisim se është krejtësisht normale, por nuk mund të fantazojmë.
Flamur Noka: Fatkeqësia e këtij vendi është se ka njerëz që mendojnë si ky (tregon Mërtirin).
Ergys Mërtiri: Po të kishte njerëz që mendojnë si ty dhe si Saliu, ky vend s’duhet të ekzistonte.
Flamur Noka: Për bastardllikun më të madh që mund të bëjë një qytetar dhe një politikan dhe ti ke fytyrë për ta mbrojtur. Është e turpshme.
Ergys Mërtiri: Shiko, punën e fytyrës, tregoja kujt të duash, por jo mua!
Flamur Noka: Mjaft, lëre. Kaq.
Ergys Mërtiri: Fakti që mbron Saliun dhe ke 30 vjet që i rri aty nga mbrapa dhe më tregon fytyrën ti!
Flamur Noka: Po, e mbroj me dinjitet.
Ergys Mërtiri: Ti më tregon fytyrën mua? Tërhiqe këtë që the!
Flamur Noka: Ore, të kesh fytyrë nuk mbron atë bastardin…
Ergys Mërtiri: O Flamur të gjithë e dinë që ti ike nga Kukësi se nuk të votonte njeri dhe më tregon ti fytyrën mua!
Flamur Noka: Kthehu matanë (e kap nga dora)!
Ergys Mërtiri: Mua nuk më plas fare se kush fiton, por kap e sulmo çdo njeri, kjo është banale. Prandaj kanë arritur këtu këta.
Flamur Noka: Ti ke shkuar me propozimin e Lulzim Bashës në Institutin e të Përndjekurve në punë dhe ke të drejtë ta mbrosh.
Ergys Mërtiri: S’ke turp, që gënjen?
Flamur Noka: Po e di unë.
Ergys Mërtiri: Po, s’ke turp, unë nuk kam marrë një cent nga Lulzim Basha. Unë kam aplikuar atje si të gjithë atje, dhe duke qenë se njerëzit më njohin, më kanë zgjedhur sepse besojnë tek unë.
Flamur Noka: Kam qenë unë atje, kur ka bërë ndërhyrjen.
Ergys Mërtiri: Nxirre këtu nëse është e vërtetë. Ama do të japësh dorëheqjen, nëse nuk del kështu.
Flamur Noka: Kam qenë prezent. Je i punësuar nga ai, prandaj shkon deri në vetëvrasje.
/s.f
