Pas vendimit të deputetes Valentina Leskaj për të dërguar në Gjykatën Kushtetuese mandatin e saj, ka reaguar edhe deputeti tjetër i PS, Rakip Suli, i cili akuzohet nga opozita për përfitim të fondeve publike.
Deputeti socialist tha në një prononcim për Neës 24 se ai është i gatshmë të shkojë në Gjykatën Kushtetuese.
“I kam bërë të qarta gjërat që në momentin e parë. Kërkova fjalën, por nuk ma dhanë. Doja të kërkoja të njëjtën gjë që ka bërë znj. Leskaj”, tha ai.
“Unë e kam marrë hapin. Por ka një diçka, nuk mund t’i imponojë asnjë deputet vendimin Parlamentit. Unë jam i gatshëm për të shkuar në Gjykatën Kushtetuese. Problemi i opozitës është reforma në drejtësi. Kjo sepse do të dalin në dritë të gjitha padrejtësitë e tyre.”
Suli sfidoi kreu i opozitës duke thënë se është gati të përballet me të dhe në një komision parlamentar hetimor për verifikimin e pasurive të politikanëve.
“Jam i gatshëm jo vetëm për Gjykatën Kushtetuese, por edhe për Komision Hetimor për mua dhe z. Bashën. Të hetohet si e kanë vënë pasurinë politikanët.”- tha Suli.
