Moska pretendon se raketat ruse kanë goditur një depo armësh, brenda së cilës ndodheshin armë evropiane dhe amerikane.
Ministria ruse e mbrojtjes tha se raketat e saj Kalibr shkatërruan depon në rajonin e Zaporizhzhia që përmbante një numër të madh armësh dhe municionesh të huaja të furnizuara për trupat ukrainase nga Shtetet e Bashkuara dhe vendet evropiane.
Ditën e djeshme, Rusia ka paralajmëruar se përsa kohë që NATO dërgon municione në Ukrainë, do të thotë se është e përfshirë në një luftë me të.
Nga ana tjetër, SHBA dhe NATO kanë përjashtuar dërgimin e forcave të tyre në Ukrainë, por Uashingtoni dhe aleatët e tij evropianë kanë furnizuar Kievin me sasi të mëdha armësh, duke përfshirë dronë dhe raketa anti-ajrore dhe antitank.
/a.r
