Koreja e Veriut deklaroi sot se testet me predha balistike ishin një ushtrim që synonte goditjen e bazave amerikane në Japoni, ndërkohë që reagimet ndaj regjimit vijnë nga e gjithë bota.
Tre nga predhat e lëshuara dje në mëngjes kanë rënë rrezikshëm pranë Japonisë, në zonën e saj ekskluzive ekonomike, dhe përbëjnë një sfidë të re për komunitetin ndërkombëtar dhe presidentin Donald Trump.
Ky i fundit ka theksuar gjatë një bisede telefonike angazhimin e plotë të vendit të tij në krahë të aleatëve japonezë dhe koreanojugorë, sipas një komunikate të Shtëpisë së Bardhë.
Këshilli i Sigurimit në OKB do të mblidhet nesër me kërkesë të Tokios dhe Uashingtonit për të diskutuar për çështjen./a.m.
