Kryetari i Partisë Socialiste të Serbisë (SPS), Ivica Daçiç, në një paraqitje televizive për “Tv Pink” të dielën, komentoi blerjen e sistemit raketor “Javelin” nga ana e Kosovës. Në reagimin e tij Daçiç tha se në rast të shpërthimit të luftës “Kosovës s’do t’i kryenin punë as një milion ‘Javelin’”.
“Ne kemi një problem më të thellë, këtu bëhet fjalë për interesa strategjike afatgjatë për të ndihmuar pavarësinë e Kosovës, të cilën ne e kundërshtojmë. Gjithçka që ka ndodhur që nga viti 1999 duhet të merret parasysh. Ushtria Clirimtare e Kosovës (UCK) u armatos nga Gjermania, SHBA dhe vendet islamike. Tani po ndodh e njëjta gjë”, u shpreh ish-kryediplomati serb.
DASH-i njoftoi se administrata e presidentit amerikan, Joe Biden, paraqiti të enjten para kongresit propozimin e programit për Shitjet e Huaja Ushtarake (FMS) për rastin e shitjes së raketave dhe pajisjeve të tjera për Kosovën – një masë që synon rritjen e aftësive mbrojtëse të kombit të vogël ballkanik, në përputhje objektivat e sigurisë kombëtare të SHBA-së.
Në dispozicion të Forcës së Sigurisë së Kosovës (FSK), përveç sisitemit të fuqishëm turk “OMTAS” për shkatërrimin e tankeve dhe mjeteve të blinduara, pritet të jetë edhe sistemi anti-tank amerikan “Javelin”, i cili shkaktoi sensacion në fushëbetejën e Ukrainës kohën e fundit – një simbol i rezistencës së forcave ukrainase ndaj agresionit të Rusisë.
/f.s
Ka nja 5 vjet Amerika qe thote do i japi Kosoves dhe Shqiperise jevelin dhe akoma sika dhene.patjeter kongresi do thote jo kanalet televizive Shqiptare nuk do ta permendin fare jon dhe do duket sikur Kosova i mori.nejse Tadic mir e thot jevelin nuk jane te rendesishme.KONKLUZJONI Serbia ska frik nga Amerika Serbia ka frike vetem nga Turqia nga dronet super modern te Turqise.kot lodhet Shqiperia me Ameriken