Rajoni i Epirit që përfshin zonën veriore të Greqisë në kufi me Shqipërinë, po organizon një udhëtim në Ballkan me qëllim promovimin e turizmit dhe produkteve vendase.
Ndalesa e parë do të jetë Tirana, ku prodhuesit e Epirit dhe hotelierët do të bëjë takime Business to Business (B2B) me sipërmarrësit shqiptarë, me qëllim për të shfrytëzuar mundësitë e reja të biznesit.
Gjatë dy ditëve të aktivitetit që do të mbahet në Hotel Tirana më 5 dhe 6 shkurt do të prezantohen dhe produktet e Epirit, promovimi i markave dhe produkteve, të njohura për cilësinë e tyre në vendet fqinje. Objektivi kryesor mbetet për të rritur ndërgjegjësimin dhe interesin nga shitësit lokalë.
Ndërsa në ditën e dytë do të ketë një prezantim të destinacionit turistik “Epiri” drejtuar shtypit dhe operatorëve turistikë të Shqipërisë, si dhe takimet B2B mes hotelierëve nga Epiri dhe agjentëve të udhëtimit nga Shqipëria.
I pranishëm do të jetë prefekti i Rajonit të Epirit, Aleksandros Kahrimanis dhe Prefekti i Qarkut Tiranë, Sadi Vorpsi si dhe përfaqësues nga ministria e Ekonomisë dhe Turizmit e institucione të tjera vendore.
Epiri është i njohur si një udhëkryq për kulturën, traditën dhe bukurinë unike natyrore. Ky është një destinacion për të gjithë që duan eksperiencën dhe argëtimin. Epiri ofron një shans për të kombinuar llojet e ndryshme të pushimeve në një udhëtim: nga turizmi malor në ujërat blu të brigjeve të Jonit. Objektivi kryesor mbetet për të krijuar vetëdijen dhe interesin për një rajon, i cili është shumë afër për vizitorët e mundshëm të Ballkanit.
